Is seirbhís dátála saor in aisce é
GaelGhrá.html. Is é leagan amach an tsuímh
ná fógraí pearsanta a chuireann na
cuairteoirí féin leis an suíomh. Chun na
fógraí a fheiceáil, téigh go dtí
an clár cinn (aka an leathanach baile = gaelghra.tripod.com)
agus roghnaigh an fóram Mná ag lorg fear
nó Fir ag lorg ban. Nuair a bhaineann tú do
rogha leathanaigh amach, feicfidh tú na fógraí
pearsanta. Má chuaigh tú go dtí an leathanach
Mná ag lorg fear, feicfidh tú
fógraí ó mhná; má chuaigh
tú go dtí an leathanach Fir ag lorg ban,
feicfidh tú fógraí ó fhir. Má ba
mhaith leat do fhógra féin a chur ar an suíomh,
téigh go dtí an fóram cuí (m.s.
Mná ag lorg fear más bean thú) agus
brúigh an nasc Sign this guestbook. Tógfar go
foirm iontrála thú. Sin é! Nach furasta an rud
é! Tá súil againn go mbainfidh tú sult as
an suíomh ar fad!
Bunaíodh GaelGhrá.html (gaelghra.tripod.com)
i lár Mhí an Mhárta 2001 chun deis a thabhairt
do Ghaeilgeoirí na hEireann agus an domhain ar fad aithne a
chur ar a chéile. Is é Labhrás Mac Muiris, mac
léinn iarchéime ag Ollscoil Harvard, an t-údar
leis an suíomh. Má ba mhaith leat teacht i
dteagmháil leis an údar, seol ríomhphost chuig:
<níl an t-eolas seo ar fáil i láthair na
huaire>
Ceann de na cúiseanna leis an laghdú atá tar
éis teacht ar an líon daoine a labhraíonn an
Ghaeilge ná daoine le Gaeilge gan a bheith ag casadh ar
dhaoine eile a bhfuil cumas agus spéis acu sa nGaeilge. Mara
gcasann siad ar a chéile, ní phósfaidh siad a
chéile, ar ndóigh, agus ní thógfar clann
a bhfuil an Ghaeilge mar chéad teanga aici. Seans go
gcuideoidh GaelGhrá.html leis an bhfadhb bhunúsach seo
a réiteach trí phobal singil na Gaeilge a thabhairt le
chéile.